Бүген Автозавод районының Боровецкий бульварында Бөек Ватан сугышындагы Җиңүнең 81 еллыгына багышланган «Мәңгелек истәлеккә лаек» дигән тантаналы чара узды. Ул 2011 елда Боровецкое авылыннан китеп, Ватаныбызның иреге һәм бәйсезлеге өчен үз җаннарын биргән сугышчылар истәлегенә куелган Дан обелискына чәчәкләр салу белән башланып китте.
«Бөек Ватан сугышы елларында Татарстан Республикасыннан гамәлдәге армиягә 700 меңгә якын кеше чакырылган. Аларның 350 меңе, ягъни һәр икенчесе, Ватаныбызның иреген һәм бәйсезлеген саклап, үз гомерен биргән. Татарстаннан чыккан 185 кеше Советлар Союзы Герое исеменә лаек булган, ә өчесе Дан орденының тулы кавалеры исемен алган», - дип билгеләп үтте район хакимияте башлыгы Айрат Хөснуллин үзенең чыгышында.
Дан обелискына Шәһәр Советы депутаты Вадим Матюшин, Автозавод районы хакимияте башлыгы Айрат Хөснуллин, Автозавод районының Ветераннар советы рәисе Любовь Ходаковская, Үзәк һәм Автозавод районнары буенча хәрби комиссар урынбасары, подполковник Рөстәм Имаметдинов, «Сәүдә-сәнәгать палатасы» берлеге каршындагы хәрби комитет идарәсе рәисе, подполковник Анатолий Лапуть, Бөек Ватан сугышы ветераннары, махсус хәрби операциядә катнашучылар, «Хәрби туганлык» җәмәгать оешмасы офицерлары чәчәкләр салдылар.
Чарада шулай ук мәгариф учреждениеләре җитәкчеләре, җәмәгать оешмалары вәкилләре, ТОС рәисләре, студентлар, кадетлар һәм укучылар, Чаллы шәһәрендә яшәүчеләр һәм кунаклар катнашты. Тантанада катнашучылар һәлак булган сугышчыларны бер минутлык тынлык белән искә алдылар һәм Дан обелискына чәчәкләр салдылар.