Яр Чаллыда СПИДтан вафат булганнарны искә алу Бөтендөнья көненә багышланган ВИЧ-инфекциягә бушлай һәм аноним тест ясау буенча профилактик акцияләр узачак. СПИД үзәге белгечләре шәһәр кешеләренә ике мәйданчыкта – «Омега» сәүдә үзәгендә һәм ГЭС паркында консультацияләр бирәчәк.
13 майда 13:00 сәгатьтән 16:00 сәгатькә кадәр экспресс-тестлау «Омега» сәүдә үзәгендә, ә 14 майда 12:00 сәгатьтән 16:00 сәгатькә кадәр – ГЭС Мәдәният һәм ял паркында үтәчәк. Мәйданчыкларда тиз һәм конфиденциаль рәвештә үз ВИЧ-статусын белергә, белгечләрдән киңәшләр алырга һәм инфекцияне профилактикалау турында актуаль мәгълүмат белән танышырга мөмкин булачак.
«ВИЧ инде күптән сөйләшергә уңайсыз булган тема булудан туктады. Кеше үз статусын күпме иртәрәк белсә, тормыш сыйфатын һәм сәламәтлеген саклап калу мөмкинлекләре шулкадәр күбрәк була», – дип искәртә оештыручылар. Анонимлык, нәтиҗәләрнең тизлеге һәм профессиональ ярдәм – акцияләрнең төп принциплары.
Медиклар ассызыклый: заманча терапия ВИЧ белән яшәүче кешеләргә тулы канлы тормыш алып барырга, эшләргә һәм гаилә корырга мөмкинлек бирә. Төп шарт – вакытында диагностика узу һәм кирәк булганда табиб күзәтүе астында дәвалануны башлау.