Бүген ана капиталына сертификатлар тапшыру тантанасы матур бәйрәм – Әниләр көненә туры китерелде. 16 чаллы гаиләсе сертификат иясе булды.
Гаиләләрне ЗАГС идарәсе башлыгы Равилә Зарипова, Үзәк район башлыгы Эдуард Фаттахов һәм Набережные Чаллы шәһәре Пенсия фонды җитәкчесе Руслан Шангараев котладылар һәм сертификатлар тапшырдылар.
Программа гамәлгә ашырыла башлаганнан бирле (2007 елның 1 гыйнвары) автошәһәрдә 55 меңнән артык ана капиталы сертификаты бирелгән, 49 мең гаилә әлеге акчаларны үз максатларына кулланган.
2022 елның 1 гыйнварыннан ана капиталы күләме түбәндәгечә: 693 144 сум (икенче бала туган очракта), 524 527 сум (беренче бала туган очракта).