Бүген Чаллыда Гостев урамында күпер төзелеше белән автомобиль юлын реконструкцияләүдән соң техник хәрәкәтне ачу тантанасы булды. Аэродром урамыннан Батенчук урамына кадәр булган участокта ремонт эшләре «Имин сыйфатлы юллар» илкүләм проекты һәм «урам-юл челтәрен ремонтлау» республика программасы кысаларында башкарылды.
Яр Чаллы шәһәренең һәм Татарстан Республикасының юл инфраструктурасын үстерүгә зур өлеш керткәне өчен «РБР 16» коллективы шәһәр мэрының Рәхмәт хаты белән бүләкләнде.