33 нче мәктәптә Чернобыль АЭСындагы һәлакәткә 40 ел тулуга багышланган истәлекле чара узды. Очрашуда катнашучылар һәлак булганнарны искә алдылар, үз сәламәтлекләре һәм гомерләре бәрабәренә һәлакәт нәтиҗәләрен бетерүдә катнашкан, кешеләрне радиациянең зарарлы йогынтысыннан саклаган һәм аның алга таба таралуына каршы торган кешеләрне барладылар. Автозавод районында Чернобыль АЭСындагы һәлакәтне бетерүче 45 кеше яши.
Автозавод районы администрациясе башлыгы Айрат Хөснуллин, Татарстан Республикасы Дәүләт Советы депутаты Андрей Ляпунов һәм Россия Герое, генерал-полковник Олег Козлов чакырылган кунакларга рәхмәт сүзләрен җиткерделәр.
Чарада катнашучылар вафат булганнарны бер минутлык тынлык белән искә алдылар. Татарстан Республикасы Рәисе Рөстәм Миңнеханов исеменнән һәлакәтне бетерүчеләргә азык-төлек җыелмалары тапшырылды. Очрашу территория иҗтимагый үзидарә рәисләре тарафыннан оештырылган искә алу ашы белән тәмамланды.