Башкарма комитет җитәкесенең беренче урынбасары Илья Зуев әйтүенчә, көндез шәһәр юлларына 220 кар чистарту техникасы чыгарылды. Төнлә бу сан 150гә җитте. Идарә итү компанияләре 150 техниканы эшкә җигте. Йорт яны юллары ботка сыман. Машиналар чыга алмый интегә.
«Кышкы сезонда шәһәрдән 974 куб метр кар чыгарылды. Узган ел белән чагыштырганда 2,4 %ка күбрәк. 55 меңгә якын рейс ясалды», — диде Илья Зуев. Шәһәр хакиме Наил Мәһдиев шәһәр юлларында махсус техника санын арттырырга кушты.