Яр Чаллыда мәктәпләрдә шахмат зоналарын булдыру проекты старт алды. Аларның беренчесе бүген 78 нче Пушкин пролицеенда ачылды. Уен мәйданчыклары «Мәгариф»милли проекты кысаларында оештырылган. Тантаналы чарада катнаштылар Татарстан Республикасы Дәүләт Советы Рәисе урынбасары Татьяна Лионова, Чаллы шәһәре муниципаль берәмлеге башлыгы урынбасары Ирина Сәгыйдуллина, Башкарма комитет җитәкчесе Фәрит Сәлахов.
Тантаналы өлеш башланыр алдыннан кунакларга "Гарри Поттер" романы стилендәге тематик күргәзмә тәкъдим иттеләр, укучыларның казанышлары, шул исәптән робот техникасы турында сөйләделәр.
"Без барлык мәгариф учреждениеләрендә шахмат зоналары һәм шахмат класслары булдыру инициативасы белән чыктык. Барлык балаларыбыз, беренче яки 11 сыйныфта укысалар да, шахмат уйный, анализлый, уйлый, фикер йөртә, җиңә белсеннәр өчен. Бу уен үҗәтлеккә, хезмәткә, җиңәргә өйрәтә. Безнең җиңүчеләр мәктәбендә булуыбызга мин беренче адымнан ук инандым. Сездә шундый шәп атмосфера! Сез барыгыз да шундый якты, креатив, заманча! Педагогларыгызга моның өчен рәхмәт. Шулай ук Безнең инициативаны хуплаган шәһәр Советы депутатларына рәхмәт", – дию Татьяна Лионова тантаналы ачылышта.
Яшь гимназистлар кунакларга шахмат буенча мастер-класс күрсәттеләр.
Татьяна Лионова киләсе уку елы башына Чаллыда шундый 56 шахмат зонасы булдырылырга тиеш, барлыгы республикада аларны 896 эшләтеп җибәрү планлаштырыла.