Новости

Сәясәт

Яр Чаллыга эш сәфәре белән Татарстан Республикасы икътисад министры Мидхәт Шаһиәхмәтов килде

Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов тотрыклы икътисад үсеше буенча эшче төркем белән Яр Чаллыга килде. Төркем составында: икътисад министрының беренче урынбасары Олег Пелевин , сәнәгать һәм сәүдә министры урынбасары Иван Колчин , Башкарма комитет җитәкчесе урынбасары Наталия Кропотова . Эш сәфәренең максаты – җитештерү өлкәсендәге агымдагы вәзгыять белән танышу һәм фараз күрсәткечләре буенча фикер алышу.

Сәясәт

Яр Чаллыда юл полотносын яңарталар

«Автомобиль юллары предприятиесе» МУП директоры Марат Анисимов хәбәр иткәнчә, белгечләр көн саен юлларның торышын күзәтәләр һәм, кирәк булган очракта, чокырларны ямау эшләре алып барыла. Хәзер Беляев проспектында 11 комплекс ягыннан беренче автоюлга таба ремонт эшләре бара. Яшьлек проспектында чокырларны ремонтлау башланган, әмма монда чокыр ямау белән генә чикләнеп булмаган, шуңа күрә юл полотносы дефектын бетерү өчен зур асфальт катламын кисәргә дигән карар кабул ителгән.

Сәясәт

Яр Чаллыда «Безнең ишегалды» программасы буенча эшләр дәвам итә

Шәһәрдә барлыгы 119 ишегалды территориясендә реконструкция узачак. Күп кенә ишегалларында эшләр бара инде – яңа юллар җәелә, яктырту объектлары урнаштырыла, машина кую урыннары билгеләнә. 9 ишегалдында юл эшләре тәмамланган.

Сәясәт

Яр Чаллыда Мәләкәс елгасын ничек чистартачаклар

Киләсе атнада Яр Чаллыда Мәләкәс елгасын чистарту эшләренә керешәчәкләр. Сулыкны савыктыру программасының ничек узуы турында экология һәм әйләнә-тирә мохитне саклау буенча директор урынбасары Айрат Насыйбуллин сөйләде: «Ниһаять, без елга төбен чистартуга керешәбез. Моның өчен йөзә торган техника җәлеп ителгән – Watermaster земснаряд-амфибия, ул су төбеннән ләмне чыгарачак. Ләмнәрне сыгачаклар һәм утильләштерүгә җибәрәчәкләр, ә чистартылган суны яңадан елгага җибәрәчәкләр».

Сәясәт

Яр Чаллыда +21..+25 градус фаразлана

Яр Чаллыда алмашынучан болытлы һава көтелә. Төнлә явым-төшемсез. Көндез урыны белән кыска вакытлы яңгыр. Җил төньяк-көнбатыштан, көнбатыштан секундына 6-11 метр, көндез урыны белән көчәйгәндә секундына 14 метрга кадәр тизлектә.