Новости

Сәясәт

Яр Чаллыда 2021 ел нәтиҗәләре буенча иң яхшы рәссамнарның исемнәрен игълан иттеләр

Картиналар галереясендә «Ел рәссамы – 2021» 20 нче шәһәр конкурсы күргәзмәсен ачу тантанасы узды. Быел күргәзмә комитеты игътибарына 113 талантлы рәссам үз иҗатын тәкъдим итте. Күргәзмә комитеты тарафыннан эшләрне сайлап алу нәтиҗәләре буенча экспозициягә 140тан артык сәнгать әсәре керде. «Рәсем сәнгате», «Графика», «Яңа исемнәр», «Декоратив-гамәли сәнгать», «Халык сәнгате», «Яр Чаллы. Тарих һәм хәзерге заман» – барлыгы 6 номинация буенча җиңүчеләр билгеләнде.

Сәясәт

Иминиятләүчеләргә Социаль иминият фондына хисапларын тапшырырга кирәк

Россия Социаль иминият фондының Татарстан Республикасы буенча төбәк бүлегенең 9 нчы филиалы хәбәр иткәнчә, 2022 елның 1 гыйнварыннан, ягъни, 2022 елның 1 кварталы өчен хисап чорыннан башлап, түләүләр башкарыла торган физик затлар саны 10 кешедән артып китә торган иминләштерүчеләр һәм күрсәтелгән физик затлар саны шундый чиктән артып киткән яңадан торгызылган оешмалар электрон документлар рәвешендә иминиятләүченең территориаль органына исәпләнгән һәм түләнгән иминият кертемнәре буенча исәп-хисапларны «Электрон имза турында» 2011 елның 6 апрелендәге 63-ФЗ номерлы Федераль закон нигезендә көчәйтелгән квалификацияле электрон имза белән имзалап тапшырырга тиеш.

Сәясәт

Чаллы укучылары өчен «РИАТ» предприятиесенә экскурсия оештырылды

Бу атнада «Танышыгыз – профессионаллар!» һөнәри юнәлеш бирү проекты кысаларында 32 нче мәктәп укучылары «РИАТ» предприятиесендә булдылар. Алар өчен җитештерү буенча танып-белү экскурсиясе оештырылды. Укучыларга «РИАТ» ААҖ тарихы һәм эшчәнлегенең төп юнәлешләре турында фильм күрсәтелде. Җитештерү системасын үстерү департаменты башлыгы урынбасары Ирек Абдуллович комплектлау әйберләре складын, әзерләү-штамплау цехын, автомобильләр җыю участогын, эретеп ябыштыру участогын, утыргычлар җыю участогын һәм пластик эшкәртү цехын күрсәтте. Аеруча полиуретан участогы һәм тегү цехы зур кызыксыну уятты. Шулай ук укучылар һөнәрләр, эш шартлары һәм хезмәткәрләрнең квалификациясе турында да белделәр. Экскурсиянең һәр катнашучысы оештыручыларга үзләрен кызыксындырган сорауларын бирә алды.

Сәясәт

Яр Чаллыда -7..-11˚ фаразлана

28 гыйнварда Яр Чаллыда аязучан болытлы һава, урыны белән кар явуы көтелә. Җил көньяктан, көньяк-көнчыгыштан секундына 4-9 метр тизлектә.

Сәясәт

Яр Чаллыга «Спутник М» вакцинасының беренче партиясе кайтты

Яр Чаллыга 12-17 яшьлек яшүсмерләр өчен 200 доза күләмендә яңа коронавирус инфекциясеннән «Спутник М» вакцинасының беренче партиясе кайтты. Вакцина ике компонентлы. Димәк, иммунитетны формалаштыру өчен прививканы 21 көн аерма белән ике тапкыр ясатырга кирәк булачак.