Хәзер 09:23
,
17.9 °C
Хәзер 09:23
,
17.9 °C
6 нчы мартта Чаллыда аязучан болытлы һава көтелә. Урыны белән бераз кар. Җил көньяк-көнбатыштан, төньяк-көнбатышка таба секундына 6-11 метр тизлектә. Төнлә һаваның минималь температурасы -11..-14, аязган вакытта -19 градус. Көндез максималь һава температурасы -6..-10 градус. Юлларда бозлавык.
Мэриядә Башкарма комитет хезмәткәрләре өчен вакцинация оештырылды. Вакцинацияләнүчеләр арасында Башкарма комитет җитәкчесе урынбасарлары, идарә һәм бүлек башлыклары, белгечләр бар иде. Вакцинация алдыннан хезмәткәрләр табиб терапевт тарафыннан тән температурасын, кан басымын, сатурацияне үлчәү буенча киңәшләр алдылар. Шуны билгеләп үтәргә кирәк, вакцинация шәһәрнең һәр хастаханәсендә оештырылган. Чаллылылар коронавирустан прививкага дәүләт хезмәтләре сайты аша, шулай ук дәвалау учреждениесе регистратурасына шәхсән яки телефон аша мөрәҗәгать итеп, үзләренең территориаль хастаханәләрендә языла алалар.
Яр Чаллы шәһәре муниципаль берәмлегенең 2020 елга бюджеты үтәлеше турындагы хисап проекты буенча ачык тыңлаулар шәһәр мэриясендә узды. Чарада мэр урынбасары Ирина Сәгыйдуллина катнашты.
Роспотребнадзорның Татарстан Республикасы буенча идарәсе җитәкчесе урынбасары Марина Трофимова 9 мартта 14:00 сәгатьтән 15:30га кадәр гражданнарны шәхси кабул итүне видеоконеренцэлемтә режимында үткәрәчәк. Кабул итү Яр Чаллы шәһәре, Тукай, Мөслим, Минзәлә һәм Актаныш районнары халкы өчен түбәндәге адрес буенча узачак: Яр Чаллы шәһәре, ЗЯБ бистәсе, Низаметдинов ур., 14 йорт.
Автозавод районында «Яз канатларында» бәйрәм программасы аша гүзәл затларны сәламләделәр. Чакырылган сугыш һәм хезмәт ветераннарына, күп балалы аналарга, төрле тармак хезмәткәрләренә "КАМАЗ" мәдәният сарае холлында яшь чаллылылар кулы белән ясалган котлау открыткалары тапшырылды. Автозавод районы администрациясе башлыгы Винер Харисов барлык катнашучыларга матур сүзләр белән мөрәҗәгать итте.
