1 апрельдән 31 майга кадәр шәһәрдә территорияне төзекләндерү һәм чистарту буенча традицион санитар-экологик икеайлык игълан ителде. Аның кысаларында шәхси сектор территориясендә дә тәртип урнаштыру буенча җитди эш алып барылачак.
Шулай ук шәһәр чикләрендә 16 бакчачылык җәмгыяте бар, участок хуҗалары үз участокларында һәм янәшәдәге территорияләрдә тәртип урнаштырырга, җыелган чүп-чарны һәм үсемлек калдыкларын вакытында чыгарырга тиеш.
“Бакча җәмгыяте чикләрендә агачлар һәм куаклар утыртуны оештырырга, коймаларны торгызырга кирәк булачак, - дип билгеләп үтте шәһәрнең хуҗалык җитәкчеләре белән аппарат киңәшмәсендә чыгыш ясаганда башкарма комитет җитәкчесенең беренче урынбасары Илья Зуев.