Яшь чаллылы шахмат буенча Россия Кубогы призеры булды

Казанда шахмат буенча Россия Балалар Кубогы этабы узды. Тугыз яшькә кадәрге малайлар төркемендә көмеш медальне Чаллының "Этюд" мәктәбендә шөгыльләнүче Данис Хәбибуллин яулады, җитәкчесе Эдуард Ашиев.

"Иң яхшы һөҗүм" номинациясендә икенче урынны Майя Сергеева, тренеры Наталия Гончарова алды. Шулай ук "Иң яхшы комбинация" махсус номинациясендә икенче урынны Егор Штанько яулады, тренеры Эдуард Ашиев.