Яшь дизайнерларны «SPRAY ART» стилендә картиналар ясарга өйрәтәләр

Дмитрий Борзенков, 1нче шәһәр балалар һәм яшьләр иҗаты сарае рәссам-педагогы яшь дизайнерларга «SPRAY ART» стилендә картиналар ясауны күрсәтте. Ул үзе дә шул ук мәктәпне тәмамлаган. 

Мастер-класста катнашучылар чын могҗиза дөньясына чумдылар, алар баллондагы буяулар белән шпатель ярдәмендә фантастик илләр һәм башка планеталар барлыкка килүен күрделәр. Төрле карандашлар кулланып, Дмитрий Борзенков планеталар, агачлар, таулар, биналар, шәһәрләр төзи, бизи, матур эзләр калдыра.