«Метод В» Балалар театр мәктәбенең театр коллективы II Бөтенроссия балалар милләтара театр сәнгате фестивалендә лаеклы чыгыш ясады. Бәйгенең финалы Башкортстан Республикасының Октябрьский шәһәрендә узды.
Катнашучылар билгеләп үткәнчә, фестивальне оештыру югары дәрәҗәдә булды: беренче ике көнне катнашучыларга иҗади эшләр күрсәтелде, аннары фикер алышу булды. Анда Борис Щукин исемендәге Театр институты (Мәскәү шәһәре) укытучыларыннан торган жюри сәхнә әсәрләрен тикшерде, үсеш юнәлешләрен күрсәтте, җитәкчеләргә эшләрне яхшырту буенча кыйммәтле киңәшләр бирде.
Бәйге программасына Россиядән 22 спектакль керде. Яр Чаллыдан театр коллективы «Спектакльнең иң яхшы пластик чишелеше» өчен махсус номинация алды, шулай ук «Драматик спектакль» номинациясендә III дәрәҗә лауреаты булды.
«Сәнгатьле сүз» номинациясендә яшь театр сөючеләр шулай ук җиңүчеләр арасына керде: Дарья Храмцова – II дәрәҗә лауреаты, Марк Рябов – III дәрәҗә лауреаты, Энҗе Хәлимуллина – I дәрәҗә дипломанты. Мәктәп җитәкчесе – Валерия Вәлиева.