26 май көнне 18:00 сәгатьтә «Заман» яшьләр үзәгендә әти-әниләр һәм эшләүче яшьләр өчен «ВИЧ һәм СПИД. Үз-үзеңне ничек сакларга» темасына WORKSHOP-практикум узачак. Чарада Республикада СПИД һәм йогышлы авыруларны профилактикалау һәм аларга каршы көрәш үзәгенең Яр Чаллы шәһәрендәге филиалының профилактика бүлеге мөдире Надежда Иванова чыгыш ясаячак.
Очрашу барышында ВИЧ һәм СПИД авыруларының аермасы һәм үзенчәлекләре, ВИЧ-инфекцияне йоктыруның юллары һәм төрле очраклары турында сүз алып барылачак.
Моннан тыш, чарада катнашучылар ВИЧ буенча аноним һәм бушка экспресс-тест үтә алачак.