Чаллыда ветераннарга бүләкләр тапшырыла

Россия Президенты Владимир Путин карары белән, Бөек Җиңүнең 80 еллыгына сугыш ветеранына Сәлмә Әхмәтхан кызы Әхмәтгәрәевага югары бүләк — «1941-1945 елларда Бөек Ватан сугышында Җиңүнең 80 еллыгы» меделе бирелде. Чаллы хакиме Наил Мәһдиев исеменнән ветеранны Үзәк районы хакимияте башлыгы Фидәрис Хәбибуллин һәм Шәһәр Советы депутаты Андрей Елантьев котлады.