Чаллы балалары архив бүлегендә булды

Экскурсиядә «Өмет» 67 нчы балалар бакчасына йөрүче балалар катнашты. Чараны эш кәгазьләрен алып бару идарәсенең архив бүлеге башлыгы Нэля Хәзрәтова оештырды. 

Кызыклы сәяхәт барышында балалар шәһәрдә һәм илдә архив эшенең барлыкка килү тарихын, документлар төрләре, аларны архивта саклау шартлары һәм аларны цифрлаштыру турында белде, шәхси фондларның эчтәлеге белән танышты. 

Балалар Яр Чаллы шәһәре турында фильм карады.