Яр Чаллы шәһәрендә ветеранны 101 яшьлеге белән котладылар

Бөек Ватан сугышы ветераны, тыл хезмәтчәне Фәүзия Гыйләҗевага 101 яшь тулды.

Аны Үзәк районы хакимияте башлыгы урынбасары Эльмира Гыйльметдинова, Шәһәр Советы депутаты ярдәмчесе Андрей Елантьев һәм 39нчы бистә территориаль иҗтимагый совет рәисе Мәдинә Мөхәммәтҗанова котлады. 

Фәүзия Сәхап кызы ире белән биш бала тәрбияләп үстерде. Бүгенге көндә аның 10 оныгы һәм 11 оныкчыгы бар.