Россия Федерациясе Президенты Владимир Путин, Чаллы хакиме Наил Мәһдиев исеменнән Бөек Ватан сугышы ветераннары, тыл хезмәтчәннәре 95 яшьлек юбилейлары белән котлаулар алды.
Үзәк районында Бөек Ватан сугышы ветераннары, тыл хезмәтчәннәре Раушан Сәфәргалиева һәм Вагыйз Хафизов котлаулар кабул итә.
Ветераннарны Үзәк районы хакимияте башлыгы Фидәрис Хәбибуллин, Татарстан Республикасы Дәүләт Советы депутаты Олег Николаев, Шәһәр Советы депутатлары Ринат Алимбеков, Лариса Зубрилова, «ЖЭУ-43» директоры Илдар Искәндәров һәм «Лесной 42» ТИҮ рәисе Александр Афанасьев котлады. Кунаклар юбилярларга сәламәтлек һәм иминлек теләде.