Бүген "Благо детям" иҗтимагый инициатив төркем гомумшәһәр өмәсе кысаларында Яр буе паркында 1000 чыршы үсентесе утыртты. Үсентеләр – "Шәһәрне яшелләндерү хуҗалыгы"ннан.
Инициатив төркем вәкиле Ирина Турутина билгеләп үткәнчә, "Шәһәрне яшелләндер" агач утырту проекты алар тарафыннан гамәлгә ашырыла торган җиде проектның берсе.
Төркемнең игелекле эшләр җыелмасында республиканың төрле шәһәрләрендә инде тормышка ашырылган проектлар, ә Яр Чаллыда битараф булмаган кешеләр ярдәмендә "Асылташ" үзәгендә чәчтараш бүлмәсе барлыкка килде. Планда "Өмет" үзәгендә сенсор бүлмәсен төзекләндерү.