ГЭС бистәсенең Мәдәният һәм ял паркында "Без бергә!" концерт программасы оештырылды

Концерт программасы Россия көнен бәйрәм итүгә багышланган. Шул уңайдан чаллылыларны һәм шәһәр кунакларын муниципаль берәмлек башлыгы урынбасары Ирина Сәгыйдуллина котлады. Ул мөһим бәйрәмнең тарихын искә төшерде һәм Яр Чаллы һәрвакыт милләтара, конфессияара татулыкны саклаячак дип ышаныч белдерде. Тамашачылар алдында шәһәрнең иҗади коллективлары чыгыш ясады, эчтәлекле программа тәкъдим ителде.