Яңа төзелә торган 57 нче гимназиягә җиһазлар китерелә

«Партия десанты» проекты кысаларында Шәһәр Советы депутатлары "Притяжение" торак комплексында 1501 урынга исәпләнгән гомуми белем бирү мәктәбе төзелеше барышы белән таныштылар.

Мәктәп төзелешен "Стройхолдинг" алып бара. Бүген биредә бизәү эшләре башкарыла, эчке инженерлык челтәрләре төзелеше, территорияне төзекләндерү бара, фасад төзелеше буенча эшләр тәмамлана, җиһазлар китерелә. Шәһәр Советы депутатлары стильле дизайнны, заманча җиһазларны, яңа мәктәпнең спорт мәйданчыкларын лаеклы бәяләде.