Яр Чаллыда "2023 ел тәрбиячесе" Бөтенроссия конкурсының муниципаль этабы уза. 115нче "Звёздочки" балалар бакчасында икенче тур узды. Алты катнашучы дәресләре каралды. "Балалар белән педагогик чара" иң җаваплы сынауларның берсе санала: тәрбиячеләр методиканың осталыгын, педагогик тәҗрибәләрен, таныш булмаган балалар белән элемтәгә керә белүләрен күрсәтәләр. Икенче турда катнашучылар жюри әгъзаларының сорауларына җавап бирделәр. Конкурс шартлары буенча белем бирү эшчәнлеге, эш урыннарын оештыру, заманча технологияләр куллану, балалар коллективын оештыру, һәр балага якын килү, педагоглар сөйләме бәяләнде.