2025 елның 1 мартында гамәлгә кертелгән канун нигезендә күпкатлы йортларда спиртлы эчемлекләр сату вакыты чикләнде. Хәзер аны кичке сәгать 10ннан иртәнге 10га кадәр сатарга ярамый. Бу хакта аппарат киңәшмәсе барышында ТР Дәүләт алкоголь инспекциясенең Яр Чаллы территориаль органы башлыгы Гөлшат Вафина хәбәр итте.
Чаллыда 161 оешма 758 сәүдә ноктасында спиртлы эчемлекләр сата. 2024 ел белән чагыштырганда алкоголь сатучы лицензияле оешмалар 10га арткан. Сыйфатсыз эчемлекләрне законсыз сату очраклары кимегән. Кануннарны бозган өчен 2 оешмага 54 мең сум штраф салынган.