Бүген Яр Чаллыда 2022 елгы Кама ярыммарафоны узды. Стартларга 1 меңнән артык катнашучы заявка бирде, алар 3 км, 10 км һәм 21.1 км дистанцияләрне узарга тиеш иде.
TIMERMAN спорт ярышларындагы иң яшь катнашучылар өчен TIMERKIDS балалар йөгереше оештырылды.
Ярыммарафонда Россиянең 22 төбәгеннән: Татарстан, Удмуртия, Мәскәү өлкәсе һәм башка төбәкләрдән җиңел атлетлар катнашты.
3 км га йөгерештә Башкарма комитет җитәкчесе Фәрид Салахов та катнашты.
Катнашучыларны Башкарма комитет җитәкчесе урынбасары Рамил Хәлимов, Олимпия уеннарында катнашкан Фирая Солтанова-Жданова, спорт стартларын оештыручы Вадим Янгиров сәламләде.
10 км дистанциядә абсолют җиңүче итеп 00:33:39 нәтиҗәсе белән Олег Сидоров билгеләнде. Хатын-кызлар арасында Марина Трефилова беренче булды, аның нәтиҗәсе - 00:42:50.