«Төзүче» стадионы каршындагы территориядә, «Южный» агросәнәгать паркында һәм Ипподромда Яңа ел алды «Яңа ел казы» авыл хуҗалыгы ярминкәләре узды.
Шәһәр халкы якынлашып килүче бәйрәмнәргә Татарстанның 16 муниципаль районыннан китерелгән каз, индоутка, куян, сыер, сарык һәм башка авыл хуҗалыгы продукциясен сатып алды. Ярминкәнең беренче көнендә 16,5 тоннадан артык кош ите китерелгән иде.
Киләсе ярминкәләр 19 декабрьдә шул ук мәйданчыкларда узачак. Соңгы ярминкәләр 2021 елның 25 һәм 26 декабрендә узачак.