Яр Чаллыда җәйге чорда эшләү өчен коткаручыларны укыту узды

6 нчы зональ эзләү-коткару отряды базасында җәйге чорда шәһәр пляжларында һәм дәвалау-сәламәтләндерү лагерьларында эшләү өчен коткаручыларны өйрәтү узды. Әзерлек эшләрен 35 кеше үтте. Алар кешеләрне суда коткару буенча теоретик һәм гамәли күнекмәләр алдылар. Зыян күрүчеләргә беренче медицина ярдәме күрсәтүгә аерым игътибар бирелде.

Исегезгә төшерәбез, Яр Чаллы шәһәрендә су коену сезоны 1 июньнән башлана һәм 31 августка кадәр дәвам итәчәк.