Алиш урамы боҗрасыннан Җиңүгә 40 ел урамына кадәр участокта агач үсентеләре пәйда булды. Бу урынны биредә яшәүчеләр үзләре сайлады. Яшелләндерү эшендә үз командасы белән шәһәр мэры Наил Мәһдиев катнашты.
"Гадәттәгечә, көз-шәһәрне төзекләндерү һәм яшелләндерү эшләрен дәвам итү чоры. Киләсе айларда шәһәрне яшелләндерү буенча эш алып бару минем бурычым. Шәһәрне төзекләндерү буенча, аның беренче төзүчеләре тарафыннан салынган яхшы традиция бар. Әлеге традицияләр нәтиҗәсендә Яр Чаллы - илебезнең иң төзек, яшел шәһәрләренең берсе", - дип билгеләде шәһәр башлыгы.