Все фото
Бүген Җиңү паркында язгы көн-төн тигезлеге бәйрәме «Нәүрүз» билгеләп үтелде. Чара кунаклары концерт, халык уеннары, халык иҗаты күргәзмәсен карый алдылар.
Концерт программасы «Чишмә» халыклар дуслыгы йорты артистлары һәм фольклор коллективлары башкаруында милли җырлардан һәм биюләрдән торды.
Кунакларны Башкарма комитет җитәкчесе урынбасары Рамил Хәлимов сәламләде.
«Нәүрүз» – Евразиянең кайбер халыкларында билгеләп үтелә торган язгы көн-төн тигезлеге һәм авыл хуҗалыгы чоры башлану бәйрәме.
2009 елда «Нәүрүз» ЮНЕСКО тарафыннан Бөтендөнья матди булмаган мәдәни мирас исемлегенә кертелә.