Чаллыда иң зурлардан саналган 62нче яңа мәктәп ишекләрен ачты

1501 укучыга исәпләнгән яңа мега мәктәп 69 микрорайонда үз ишекләрен ачты. Бүген Яр Чаллыда 62 нче мәктәпне кулланылышка тапшыру тантанасы булды. Микрорайонда яшәүчеләрне мөһим вакыйга белән Татарстан Республикасы Дәүләт Советы Рәисе Фәрит Мөхәммәтшин һәм шәһәр мэры Наил Мәһдиев котлады. Яңа мәктәп иң заманча стандартлар буенча төзелгән. Биредә м өмкинлекләре чикләнгән балалар өчен берьюлы ике бассейн бар. 780 урынлы актлар залы, иркен спорт залы, шулай ук өстәмә чаралар өчен урыннар каралган.