Бүген Россиянең танылган кардиохирургы Ренат Акчуринга бюст ачылды

Ренат Акчурин Россиядә һәм Европада коронар артериягә операцияләрдә югары нәтиҗәле микрохирургия техникасын  беренчеләрдән булып гамәлгә керткән.

 Нәтиҗәдә операция ясарга мөмкин булмаган кешеләргә медицина ярдәме күрсәтелде, өзлегүләр һәм үлем очракларын киметүгә ирешелде. 

Ренат Акчурин — Татарстан Фәннәр академиясенең Мактаулы академигы. Бу тантаналы чарада аның тормыш иптәше Наталья һәм улы Максим катнашты.