Все фото
Бүген Яр Чаллыда "1 нче Постның иң яхшы сафта торучылары" шәһәр конкурсына йомгак ясалды. Быел бу мактаулы исемгә 20 укучы лаек булды. Иң яхшы постчыларны Мәскәүгә юллама белән бүләкләделәр, анда алар Александровск бакчасында Билгесез солдат кабере янындагы Хәтер вахтасында сафта торачаклар. Яшь чаллылыларга бүләкләрне шәһәр мэры урынбасары Ирина Сәгыйдуллина тапшырды. Моннан тыш 15 укучы Тула шәһәренә бару өчен сертификатлар белән бүләкләнде.
Шуны да билгеләп үтәргә кирәк, "Яр Чаллы шәһәре 1 нче Постының иң яхшы сафта торучысы" муниципаль конкурсы ел саен үткәрелә. Анда шәһәр мәктәпләренең 8-11 сыйныф укучылары катнаша. Конкурсның максаты-балалар һәм яшьләр арасында гражданлык-патриотик хәрәкәтне популярлаштыру һәм үстерү.