Бүген Евгений Никанорович Батенчук һәйкәле янында Төзүчеләр көне хөрмәтенә чәчәкләр салу тантанасы булды.
Чарада Чаллы хакиме Наил Мәһдиев, Татарстан Республикасы Төзелеш, архитектура һәм торак-коммуналь хуҗалык министры Марат Айзатуллин, Россиянең Баш дәүләт экспертизасы җитәкчесе Игорь Манылов катнашты.
Легендар Чаллы төзүчесен, Камгэсэнергостройның беренче директорын искә алырга шәһәрнең Мактаулы гражданнары, Шәһәр Советы депутатлары, «КамГЭСэнергострой» предприятиесе ветераннары, шәһәрнең төзелеш предприятиеләре җитәкчеләре һәм хезмәткәрләре килде.