Яр Чаллыда фашист концлагерьлары тоткыннарын искә алу көне узды. Шәһәр Советы депутатлары Эдуард Фәттахов, Вадим Матюшин, Евгений Архипов, Сергей Снарский, Эдуард Панфилов фашист концлагерьларының элеккеге балигъ булмаган тоткыннары белән күреште. Очрашу аларның өйләрендә булды. Алар ветеранннарга озын гомер һәм нык сәламәтлек теләделәр, истәлекле бүләкләр тапшырдылар.
Хәзерге вакытта Чаллыда нацист лагерьларында тоткында булган 37 кеше яши.
Автозавод районының белем бирү учреждениеләре укучылары ветераннар Советы белән берлектә ветераннар белән очраштылар, мәктәпләрдә тематик очрашулар узды. Тимурчылар отрядлары белән бергә ветераннар үзләренең авыр балачакларын искә төшерделәр, бүгенге көнгә кадәр яши алмаган ветераннарны искә алдылар. Укучылар ветераннар өчен шигырьләр һәм җырлар әзерләделәр.