"Энергетик" мәдәният сараенда район ветераннары өчен өлкән буын декадасы ачылуга багышланган концерт узды. Сәламләү сүзләре һәм котлаулар белән Комсомол районы администрациясе башлыгы вазыйфаларын башкаручы Фидарис Хәбибуллин чыгыш ясады. Ул ветераннарга истәлекле бүләкләр тапшырды. Бәйрәм кичәсен иҗади номерлар белән Александр Тарасов, "Волница" вокаль ансамбле, "Вдохновение" бию ансамбле, җырчылар һәм популяр артистлар бизәде. Программаны шәһәрнең Мактаулы гражданины, ТРның атказанган мәдәният хезмәткәре Гөлзадә Рзаева үткәрде.