Яр Чаллыда 3 балалар бакчасы төзеләчәк

Орловка бистәсе кырында 105 гектар җирдә яңа микрорайон барлыкка киләчәк. Аны Ижауның “Талан” компаниясе төзиячәк. Күпкатлы йортлар төзелеше 5 этапта алып барылачак. Аның кысаларында 3 балалар бакчасы һәм бер мәктәп төзү планлаштырыла. Бакчаларның һәммәсе 260 сабыйга исәпләнгән. Шулай ук 6 меңләп машина кую урыннарын ясау күздә тотыла.