Яр Чаллыда регламент, хокук тәртибе һәм халыкның иминлеген тәэмин итү мәсьәләләре буенча даими комиссия утырышы узды. Утырыш барышында коррупциягә каршы тору, алкогольле продукция җитештерүне һәм куллануны җайга салу мәсьәләләре каралды. Мэрның коррупциягә каршы тору буенча ярдәмчесе Рамил Фәйсханов хәбәр иткәнчә, 2015 елдан алып 2025 елга кадәр Яр Чаллыда коррупциягә каршы сәясәт программасы гамәлгә ашырыла. Ул 9 бүлекне һәм 85 чараны үз эченә ала. Программа кысаларында өлкәннәр белән дә, балалар белән дә зур эш алып барыла. Мәсәлән, киңәшмәләрдә, эшмәкәрләр белән очрашуларда бизнеста коррупция һәм аларның тискәре нәтиҗәләре турында сүз бара.
Тема буенча мәгълүмат белән Россия Эчке эшләр министрлыгының Чаллы шәһәре буенча идарәсе башлыгы урынбасары, полиция башлыгы Михаил Чекмарев, шәһәр прокуроры Ленар Галимәрдәновның өлкән ярдәмчесе чыгыш ясады. ТР Дәүләт алкоголь инспекциясенең Чаллы территориаль органы башлыгы Гөлшат Вафина этил спиртын җитештерүне һәм әйләнешне җайга салу турындагы мәгълүмат белән чыгыш ясады. Ул катнашучыларга алкогольле продукциянең легаль булмаган әйләнеше өлкәсендәге бозулар турында мөрәҗәгатьләрнең территориаль органга төрле элемтә каналлары буенча: кайнар линия, төрле ведомстволарның, прокуратураларның, башкарма комитетларның интернет-кабул итү бүлмәләренә һәм Татарстан Республикасының «Халык контроле» дәүләт һәм муниципаль хезмәтләр порталыннан керүен хәбәр итте.