Яр Чаллыда электромобильләр зарядкасы өчен станция урнаштырылачак. Ул Open city отеле территориясендә урнашачак. Санкт-Петербургтан автойөреш кысаларында Portal Energy Питер компаниясе Владивостокка отель администрациясенә электростанцияне тапшырды. Әйтергә кирәк, Яр Чаллы электромобильләр өчен «туклану» урнаштырылган бишенче шәһәр. Зарядка өчен станцияләрне илнең 17 шәһәрендә урнаштырырга планлаштыралар.
«Зарядка алу бәясе якынча 1 кВт өчен 6 сумнан 10 сумга кадәр булачак. Мәсәлән, 100 км үтәр өчен 15-18 киловатт электр энергиясе кирәк. Мондый зарядка станциясе сезнең шәһәр читендә бар, ә шәһәрнең үзендә юк», – дип сөйләде Portal Energy компаниясе башкарма директоры Петр Мовчан.
Электромобиль хуҗалары өчен 9 һәм 22 кВтлы ике төр подзарядка тәкъдим ителәчәк. Компания үзе зарядка җайланмалары, шулай ук электромобиль хуҗалары өчен программа һәм мобиль кушымта җитештерә.