Чаллыда иҗтимагый хәрәкәттә катнашучылар тыл хезмәтчәнен котладылар

«Балалар-Нечкәбил-Балалар» иҗтимагый хәрәкәтендә катнашучылар «Ышаныч» социаль хезмәткәре белән берлектә тыл хезмәтчәне Асия Закир кызы Нуриәхмәтованы якынлашып килүче Җиңү бәйрәме белән котладылар. Шул уңайдан балалар сугыш чорындагы җырлар һәм шигырьләр башкардылар. 

«Оныклар - кунак» проекты Ватан сугышы ветераннарының социаль активлыгын һәм психологик сәламәтлеген саклауга, көнкүреш мәсьәләләрен хәл итүгә, өлкән яшьтәге кешеләрнең ялын активлаштыруга һәм игътибар күрсәтүгә юнәлдерелгән.