Чаллы пассажирларының вакцинация турында сертификатларын тикшерүләрен дәвам итәләр

Чаллы җәмәгать транспортында контролерлар һәм полицейскийлар QR-кодларны тикшерә. Хәзерге вакытта шәһәрдә алты бригада эшли, аларның дүртесе - автобусларда, икесе - трамвайда.

Шунысын да билгеләп үтәргә кирәк, тикшерүләр ТР Министрлар Кабинетының 2021 елның 17 ноябрендәге 1100 номерлы Карары нигезендә гамәлгә ашырыла, Карарда 22 ноябрьдән 18 яшьтән өлкәнрәк QR-кодлары булмаган пассажирларның җәмәгать транспортында йөрүе тыела диелә.