2026 елның 1 гыйнварына 4 365 гаилә участоклар белән тәэмин ителгән, ә 132 гаилә акчалата компенсация алу хокукыннан файдаланган. Бу хакта җир һәм мөлкәти мөнәсәбәтләр идарәсе башлыгы Ленар Гыйззәтуллин хәбәр итте.
Хәзерге вакытта җир кишәрлекләре Татарстанның сигез районында бирелә. Әгерҗе районы күп санлы шикаятьләрдән соң программадан чыгарылган. Минзәлә районы күп балалы гаиләләр арасында иң популяр санала. Тукай районында узган ел 36 участок бирелгән, шуларның 32 се инде сайланган. Тагын 500 участок карала.