Яр Чаллыда томан һәм яңгыр көтелә

Татарстан Республикасында 12 апрельдә төнлә һәм иртән урыны белән томан көтелә. Яр Чаллыда болытлы һава фаразлана, көндез аязучан. Төнлә, иртән һәм көндез бераз, урыны белән уртача яңгыр, аерым районнарда томан төшүе көтелә. Җил төньяк-көнчыгыштан секундына 3-8 метр, урыны белән көчәйгәндә 12 метрга кадәр. Минималь һава температурасы төнлә +3..+5 градус. Көндез максималь һава температурасы +11..+16 градус булачак.