«Акварель — 2025» Республика һәм Шәһәр көннәре уңаеннан оештырылды. Монда чәчәкләрдән төрле композицияләр тәкъдим ителде, ял итү урыннары оештырылды, эшмәкәрләр гөлләр, үсентеләр, агач-куаклар белән сату итә.
Чәчәкләр фестивалендә ел саен төрле оешмалар чәчәкләрдән композицияләр, матур фигуралар ясый. Алар арасында ял итү эскәмияләре, фото-зоналар, китап, күбәләк, тукталыш формасындагылары да бар иде.
Килгән кеше бу матурлыкка шатлана. Шәһәр конкурсы нәтиҗәләре буенча «Чәчәкләрдән иң яхшы күләмле композиция» номинациясендә «Челныстройремонт» һәм «Горкоммунхоз» идарәче компанияләре җиңде.