Чаллыда Курчак театры яңа бинага күчәргә әзер

Бүген яңа бинаны Башкарма комитет җитәкчесе Фәрид Салахов карап чыкты. Чаллы татар дәүләт драма театрының Хәсән Туфан проспектындагы бинасы нәни тамашачылар һәм артистлар өчен уңайлы итеп эшләнде. 

Сәхнә биегәйтелде, зал амфитеатр формасында булганга спектакльләр махсус һәм яңача эшләнә.

Театр коллективы яңа бинада нәни балаларга «Дед мороз и Черная вьюга» спектаклен әзерли. 20 декабрьдән 10 январьга кадәр аны көненә өч тапкыр күрсәтергә планлаштыралар.