Казанда «Буыннар бәйләнеше» республика шахмат турниры узды. Татарстан Республикасы буенча «Россия пенсионерлар берлеге»нең төбәк бүлеге оештырган чарага республиканың төрле шәһәр һәм районнарыннан иң көчле гаилә командалары җыелды. Ярышлар «Гаилә» милли проекты кысаларында үткәрелә.
«Буыннар бәйләнеше» турниры шахматның төрле яшьтәгеләрне тоташтыручы үзенчәлекле күпер булуын тагын бер кат раслады. Ул дәү әниләрне, дәү әтиләрне, ата-аналарны һәм балаларны тере аралашу һәм интеллектуаль иҗат шатлыгы белән берләштерә.