20 нче декабрьдән шәһәр буйлап Яңа ел трамвае йөри башлый

Трамвай деподан башлап Сөембикә проспекты юнәлешендә хәрәкәт итәчәк. Яшь пассажирларны бәйрәмчә бизәлгән салон һәм Яңа елның төп геройлары - Кыш Бабай һәм Кар кызы каршы алачак. Кар кызы шулай ук трамвай йөртүче дә әле.

Кышкы сәяхәт барышында балалар шәһәр тарихы белән генә танышып калмыйча, күп кенә традицияләрне дә беләчәкләр.

Белешмәләр өчен телефон 71-39-81.