Чаллыга эш визиты белән Татарстан Республикасы президенты Рөстәм Миңнеханов килде. Ул шәһәр мэры Наил Мәһдиев озатуында капиталь ремонттан соң «Чишмә» халыклар дуслыгы йортын карады. Халыклар дуслыгы йорты түбәсе астында 22 милли община һәм 11 якшәмбе мәктәбе эшләп килә. Өч катлы бинада түбәне ремонтлау, бинаның фасадын каплау эшләре башкарылган, тәрәзәләр, ишекләр һәм инженерлык системалары алмаштырылган, эчке биналарны бизәү эшләре башкарылган. Билгеләп үтик, 2022 ел Владимир Путин тарафыннан Россиядә халык сәнгате һәм халыкларның матди булмаган мәдәни мирасы елы дип игълан ителде.