Хәзерге вакытта документларны кабул итү, документларны рәсмиләштерү эшләре бара. Башкарма комитет җитәкчесенең беренче урынбасары Илья Зуев 2022 елның төп программалары буенча барлык эшләр дә тәмамланды, дип хәбәр итте.
Шәһәр мэры Наил Мәһдиев 2023 елга федераль, республика программаларында катнашуны планлаштыру турында йөкләмә бирде: "Ел ахырына программаларны үтәү өлешендә барабыз. Төзелеш блогына, торак йортларны капиталь ремонтлау мәсьәләләре белән шөгыльләнүчеләргә барлык документларны рәткә салып, кисәтүләр булмасын өчен хисап тапшыруларын үтенәбез. 2023 елгы программаларны тикшерү буенча эшләрне башларга кирәк: капремонт, «Безнең ишегалды» программалары кысаларында. 1,5 айдан соң ел тәмамланачак, яңасын планлаштырырга вакыт".