1нче балалар сәнгать мәктәбендә семинар үтте. Ул Яр Чаллы дәүләт педагогия университеты сәнгать һәм дизайн факультеты ярдәмендә узды.
Чараны Яр Чаллы сәнгать көллияте студенты Борис Хромушинның (балалайка) һәм концертмейстер Диана Анпилогованың (фортепиано) иҗади номеры ачты. Укытучылар доклад, мастер-класслар әзерләде, декоратив-гамәли сәнгать эшләнмәләре күргәзмәсендә катнашты.
Семинар барышында һәр укытучы үзенә яңа тәҗрибә алды һәм кызыксындырган сорауларга җавап тапты. Ул укытучыларның һөнәри осталыкларын үстерергә, һәм педагогик тәҗрибә тупларга мөмкинлек бирде. Катнашучыларга сертификатлар һәм рәхмәт хатлары тапшырылды.