Бөек Ватан сугышында катнашучының җәсәден Яр Чаллыдагы туганнарына тапшырдылар

84 нче лицей территориясендә Бөек Ватан сугышында катнашучының җәсәден күмү өчен туганнарына тапшыру тантанасы булды.

Никита Николаевич Кузьмин 1919 елда туган, Мәскәү өлкәсендә 1942 елның 10 августында һәлак булган. Армия сафларына ул 1942 елда Аксубай район хәрби комиссариаты тарафыннан алына.

Сугышчының җәсәден Мәскәүнең «Соңгы көрәш» хәрби-патриотик эзләнү клубы әгъзалары Ржев астында тапкан.

Бөек Ватан сугышында һәлак булган сугышчының җәсәден хатыны кабере янында күмәчәкләр.